სკოლის არჩევა მნიშვნელოვანი გადაწყვეტილებაა. გვინდა, მშობელს ჰქონდეს სრული ინფორმაცია სწავლების, სასკოლო გარემოსა და პირობების შესახებ, მოსწავლემ კი თავიდანვე იგრძნოს, რომ „იმედში“ მას ელიან.

მიღება-ჩარიცხვის საკითხებზე სკოლის ადმინისტრაცია გაგიწევთ კონსულტაციას და დაგეხმარებათ საჭირო ნაბიჯების გავლაში.

პირველი ნაბიჯია სკოლასთან დაკავშირება. გაგვიზიარეთ ბავშვის ასაკი, კლასი და თქვენთვის მნიშვნელოვანი საკითხები. ადმინისტრაციასთან დააზუსტებთ შესაბამის კლასში ადგილების ხელმისაწვდომობას, სწავლის საფასურსა და მიღების პირობებს.

შეთანხმებული ვიზიტის დროს შეგიძლიათ დაათვალიეროთ სასკოლო სივრცე და გაეცნოთ ჩვენს სასწავლო მიდგომებს. მიიღებთ ინფორმაციას გაძლიერებული საგნების, უცხო ენების, საგამოცდო ცენტრის, ხარისხის მონიტორინგისა და კლასგარეშე აქტივობების შესახებ.

ვიზიტი კარგი შესაძლებლობაა, დასვათ კითხვები და შეაფასოთ, რამდენად შეესაბამება სკოლა თქვენი შვილის საჭიროებებსა და ოჯახის მოლოდინებს.

ბავშვის უკეთ გასაცნობად მნიშვნელოვანია ინფორმაცია მისი ინტერესების, სწავლის გამოცდილებისა და საჭირო მხარდაჭერის შესახებ. ეს გვეხმარება, წინასწარ დავგეგმოთ მასთან მუშაობა და ახალ გარემოსთან შეგუება გავუადვილოთ.

ადმინისტრაცია მოგაწვდით განაცხადის შევსების ინსტრუქციასა და ჩარიცხვისთვის საჭირო დოკუმენტების ჩამონათვალს. მოთხოვნები დაზუსტდება იმის მიხედვით, ბავშვი პირველ კლასში ირიცხება თუ სხვა სკოლიდან გადმოდის.

დოკუმენტების წარდგენამდე გაეცნობით სწავლის პირობებს, გადახდის წესსა და სკოლასა და ოჯახს შორის თანამშრომლობის საკითხებს.

საჭირო პროცედურების დასრულებისა და ხელშეკრულების გაფორმების შემდეგ ადმინისტრაცია დაგიდასტურებთ ჩარიცხვას და მოგაწვდით ინფორმაციას სწავლის დაწყების, განრიგისა და საორგანიზაციო საკითხების შესახებ.

ჩვენთვის მნიშვნელოვანია, მოსწავლემ სასკოლო ცხოვრების პირველი დღეებიდანვე იცოდეს, ვის მიმართოს დახმარებისთვის და როგორ ჩაერთოს კლასის ყოველდღიურ საქმიანობაში.

პირველკლასელთა მშობლებს ადმინისტრაცია განუმარტავს რეგისტრაციის ეტაპებს, ვადებსა და საჭირო დოკუმენტაციას. განსაკუთრებულ ყურადღებას ვუთმობთ ბავშვის სასკოლო გარემოსთან გაცნობასა და სწავლის დაწყებისთვის მომზადებას.