საგამოცდო ცენტრი

ცოდნის შეფასება, რომელიც წინსვლაში გეხმარება

​

სკოლა „იმედის“ საგამოცდო ცენტრი სასწავლო პროცესის მნიშვნელოვანი ნაწილია. მისი მიზანია, რეგულარულად შეაფასოს მოსწავლეთა ცოდნა, გამოავლინოს საკითხები, რომლებზეც დამატებითი მუშაობაა საჭირო, და დაეხმაროს მასწავლებლებს სწავლების უფრო ეფექტიანად დაგეგმვაში.

ჩვენთვის შეფასების მთავარი ღირებულება ის ინფორმაციაა, რომელსაც შედეგი გვაძლევს: რა იცის მოსწავლემ, რას ვერ იგებს სრულად და რა დახმარება სჭირდება შემდეგი ნაბიჯის გადასადგმელად.

​

რას ვაფასებთ?

​

ტესტირება მოიცავს შესწავლილი მასალის ცოდნას, მის გააზრებასა და გამოყენებას. საგნისა და ასაკის შესაბამისად, ყურადღება ექცევა:

• ძირითადი ცნებებისა და ფაქტების ცოდნას;

• ტექსტის, დავალებისა და პირობის სწორად გაგებას;

• მსჯელობისა და პასუხის დასაბუთების უნარს;

• ცოდნის გამოყენებას სხვადასხვა ტიპის ამოცანაში;

• დამოუკიდებლად მუშაობასა და დროის განაწილებას.

ქართული ენისა და ლიტერატურის მიმართულებით მნიშვნელოვანია ტექსტის გააზრება, ენობრივი სიზუსტე და არგუმენტირებული მსჯელობა; მათემატიკაში — ცნებების გაგება, ამოხსნის გზის შერჩევა და შედეგის შემოწმება; ისტორიაში — მოვლენების ცოდნა, წყაროების გააზრება და მიზეზშედეგობრივი კავშირების დანახვა.

​

როგორ მიმდინარეობს მუშაობა?

​

რეგულარული ტესტირება ყოველკვირეული შეფასება გვაძლევს შესაძლებლობას, დავაკვირდეთ შესწავლილი მასალის ათვისებას და სირთულეები დროულად გამოვავლინოთ. დავალებები უკავშირდება კლასში გავლილ საკითხებს და მოსწავლეთა სასწავლო მიზნებს.

შედეგების გაანალიზება
ვაკვირდებით როგორც საერთო შედეგს, ისე კონკრეტულ შეცდომებს. მნიშვნელოვანია იმის გარკვევა, რამ გამოიწვია სირთულე: ცოდნის ნაკლებობამ, საკითხის არასრულმა გაგებამ, პირობის არასწორად წაკითხვამ თუ შესრულებისას დაშვებულმა უზუსტობამ.

შეცდომებზე მიზნობრივი მუშაობა
შეფასებას მოსდევს უკუკავშირი, განმარტება და შესაბამისი დავალებები. მოსწავლეს ვეხმარებით, გაიგოს შეცდომის მიზეზი და თავად შეძლოს მისი გამოსწორება.

პროგრესზე დაკვირვება
შემდგომი შედეგების შედარებით ვაფასებთ, რამდენად დაძლია მოსწავლემ გამოვლენილი სირთულე. ეს გვაძლევს საფუძველს, საჭიროების მიხედვით შევცვალოთ განმეორებისა და მხარდაჭერის ფორმა.

​

რას აძლევს ცენტრი მოსწავლეს?

​

რეგულარული შეფასება მოსწავლეს ეხმარება, უკეთ დაინახოს საკუთარი ძლიერი მხარეები და გასაუმჯობესებელი საკითხები. გასაგები უკუკავშირი სწავლის კონკრეტულ მიმართულებას აძლევს: რას უნდა დაუბრუნდეს, რა უნდა ივარჯიშოს და რაზე გაამახვილოს ყურადღება.

ამასთან, ტესტირებასთან თანმიმდევრული მუშაობა ავითარებს დამოუკიდებლობას, ყურადღების მართვასა და დროის განაწილების უნარს. მოსწავლე სწავლობს, რომ შეცდომის აღმოჩენა მისი გამოსწორებისა და წინსვლის შესაძლებლობაა.

​

როგორ ეხმარება მასწავლებელს?

​

შეფასების შედეგები მასწავლებელს აჩვენებს, რამდენად გაიგო კლასმა კონკრეტული საკითხი და ვის სჭირდება დამატებითი მხარდაჭერა. ამ ინფორმაციაზე დაყრდნობით შესაძლებელია მასალის ხელახლა ახსნა, განსხვავებული დავალებების შერჩევა და მომდევნო გაკვეთილების უკეთ დაგეგმვა.

თუ ერთი და იგივე სირთულე ბევრ მოსწავლეს აქვს, ეს საფუძველია სწავლების მიდგომის გადასახედად. საგამოცდო ცენტრი ამ გზით უკავშირდება სკოლის ხარისხის მონიტორინგსა და სასწავლო პროცესის გაუმჯობესებას.

​

თანამშრომლობა მშობლებთან

​

მშობელთან კომუნიკაციისას მნიშვნელოვანია, შედეგს თან ახლდეს გასაგები განმარტება — რას მიაღწია ბავშვმა, სად სჭირდება დახმარება და როგორ შეიძლება მისი მხარდაჭერა. ჩვენი მიზანია, სკოლასა და ოჯახს ჰქონდეთ საერთო წარმოდგენა მოსწავლის პროგრესსა და შემდეგ ნაბიჯებზე.

მომზადება სწავლის შემდეგი ეტაპისთვის

​

საგამოცდო ცენტრის მუშაობა მოსწავლეებს ეხმარება ცოდნის სისტემატიზაციაში, დამოუკიდებელი მუშაობის ჩვევების ჩამოყალიბებასა და საგამოცდო დავალებებთან მუშაობის გამოცდილების მიღებაში. ზედა კლასებში ეს ქმნის საფუძველს ეროვნული გამოცდებისა და შემდგომი სწავლისთვის მიზნობრივი მომზადების დასაგეგმად.

ჩვენი მიზანია, თითოეულმა შეფასებამ მოსწავლეს უკეთესი სწავლისა და წინსვლის გზა დაანახოს.